写真を追加
Wong Tai Sin Temple (Sik Sik Yuen Temple)を訪れた後、このレストランで食事をすることができます。
明星海鮮酒家集團 に関する訪問者のレビュー
/ 4
シーフード
$$$$
一人当たりの価格範囲
HKD 78-HKD 200
© OpenStreetMaps
contributors
住所
黃大仙竹園廣場3樓S301 – S302舖, 香港, 香港
営業時間
| 日曜日日曜 | 07:00-23:00 |
| 月曜日月曜 | 07:00-23:00 |
| 火曜日火曜 | 07:00-23:00 |
| 水曜日水曜 | 07:00-23:00 |
| 木曜日木曜 | 07:00-23:00 |
| 金曜日金曜 | 07:00-23:00 |
| 土曜日土曜 | 07:00-23:00 |
情報の誤りを報告する
可能我太耐冇飲茶，冇諗過原來冇人帶位嘅，咁見有張細枱冇人坐就坐落去啦，本身我唔鍾意搭枱，不過佢房先係非搭枱區咁我又唔想坐房就算啦，求其坐低想叫人開茶。
一舉手想搵人幫手開茶，目測係有超過8個侍應嘅，但佢哋好齊心冇一個睇得到我舉手，隔離枱都係咁嗌極都冇人，跟住我就大聲少叫左三四句『唔該』，響隔離執緊枱個侍應先好唔情願咁行過嚟問飲咩茶，我都未講我飲咩茶，佢就繼續一輪咀係咁講「食飯時間呀，又唔夠人手，我枱都未執完呀」，雖然我唔明平均一個侍應做六七張枱有幾忙（利申：我以前都做過侍應，係一個人要睇十張枱有時忙仲要加一個四枱房嘅）。
好喇，到劃嘢食，原來呢間嘢都幾奸嘅，啲特價點心紙有成四五張，但啲嘢食又差唔多嘅，時段就係唔同但時間會重疊嘅，即係同一樣嘢，你寫到十一點半果張紙就17.8，寫十點半開始果張就19.8，佢個食物嘅編號又唔同架喎，所以係可以同時間入單但收唔同價錢嘅，其實本來都唔係想話咁計較，但佢啲態度實在太過衰，真係一毫子都唔想俾多佢。
到啲嘢食，又嚟得慢，仲要有籠係未蒸熟嘅，係一眼望落去隻餃係白色條邊有粉嘅，同落菜個姐姐講，佢睬你有味咁款，搶張卡劃左就即走，叫個侍應嚟取消佢，廢事佢拎番入去翻蒸唔知俾啲乜我。見佢拎張卡去劃左取消，但最後佢印張單俾我係仲有果籠嘢響度嘅。咁媽媽話佢劃左簽名取消應該收錢果時冇架喇，咁就算啦。跟住佢原來12點前同12點後埋單啲嘢食唔同價，我見好多酒樓都係咁，加上應該12點前都走得咁就唔理佢啦，點知個甜品追左差不多九個字，係要等到過左12點先嚟，貴左幾蚊我都由佢喇。
谷鬼氣咁食哂啲嘢，去埋單，睇翻張單，佢真係冇取消到果籠點心，跟住好聲好氣同佢講，因為頭先籠點心嚟到未熟所以取消咗，佢即刻黑口黑面咁話「咁你去叫佢取消咗先啦，我呢度見唔到佢有取消喎」，頂你個肺我即刻火都嚟，明明張卡已經簽左名取消，佢冇取消個電腦關我事呀？佢見我發火先嗌咪叫個部長嚟取消，個部長搞好耐先行過嚟，黑口黑面口噏噏唔情唔願咁取消左籠點心，我叫佢再印過張單，一睇，佢茶錢就收我非搭枱8蚊，我問佢點解我坐搭枱區你要收我非搭枱嘅茶錢，佢答我因為我地張枱冇人搭枱喎。大佬呀，你冇客又關我事呀？我冇話唔俾你搭枱，只係你自己冇客，有乜可能咁都要入我數呢又？最後我都冇再同佢講，兩蚊我當跌咗，但條氣真係唔順。去到門口問樓面有冇意見書之類嘅嘢，佢話冇，問咩事我地話佢知，佢仲要鬧翻我地轉頭，真係離哂譜。